Ka mbërritur në brigjet e shtetit Luiziana, Uragani i fuqishëm Ida, një stuhi e rrezikshme e kategorisë 4.
Qendra Kombëtare Amerikane e Uraganëve tha se Ida arriti vijën bregdetare duke sjellë erëra me shpejtësi deri në 240 kilometra në orë, pikërisht në 16-vjetorin e shkatërrimit që solli në këtë qytet Uragani Katrina.
Presidenti Joe Biden tha se qeveria federale po përgatitet për më të keqen dhe se ndoshta do të duhen javë të tëra për disa zona që t’u rikthehet energjia elektrike pas uraganit.
Guvernatori Edwards shpalli gjendjen e jashtëzakonshme dhe tha se 5 mijë forca të Gardës Kombëtare ndodhen në gatishmëri përgjatë bregdetit për përpjekjet e kërkim-shpëtimit.
