Rama shpall të enjten qeverinë e re/ Kush ikën e kush vjen nga kupola e PD?

Selitë e dy partitë kryesore janë në ethet e garës se brendshme për një post të dëshiruar si në qeveri ashtu edhe parti.

Të enjten e 2 shtatorit socialistët thërrasin Asamblenë e partisë nga ku do zbulohet formacioni i ri qeveritar. Kryeministri Edi Rama pritet të zbulojë emrat e kabinetit te ri me të cilin do të drejtojnë qeverinë në mandatin e tij të 3.

E vetmja mungesë që pritet është ajo e zëvendës kryeministrit Erion Brace, i cili ka folur për një fund duke e lënë të paqartë pozicionin e tij politik në të ardhmen. Konfirmim për të vijuar rrugën krah Edi Rames në këtë mandat të ri qeverisës në radhët e të majtëve kanë vetëm dy emra: Sekretari i Përgjithshëm Taulant Balla dhe ministrja për marrëdhëniet me Parlamentin Elisa Spiropali.

Ndërkohe në selinë blu ka rënë heshtja zgjedhore. Emra që ikin dhe vijnë nga Kryesia e re partisë pritet te mësohen pasditen e së hënës, kohë kur Këshilli ri Kombëtar pritet te zgjedhë ekipin e ri drejtues. Surpriza nuk pritet te kete për postin e Sekretarit te Përgjithshëm, i cili edhe për katër vitet e ardhshme opozitë pritet ti besohet Gazment Bardhit krahut te djathtë të Lulzim Bashës.

Gara me e fortë pritet të zhvillohet për postet e nënkryetarit, që me ndryshimet e fundit statutore tashmë janë bërë 4. Burime nga selia blu konfirmojnë për Top Channel, se mes kandidatëve pretendente janë Alfred Rushaj, Enkelejd Alibeaj, Jorida Tabaku dhe Grida Duma. Dy ish-zyrtarët e qeverisë Berisha krahas numrit dy të partisë projektohet te mbajnë njëkohësisht edhe dy poste te rëndësishme në parti.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Ish-zëvendës ministri i Financiave Alfred Rushaj është projektuar edhe për postin e kreut te grupit parlamentar, ndërsa ish-ministri i Drejtësisë Enkelejd Alibeaj atë të nënkryetarit të Parlamentit duke spostuar pas 8 vitesh nga këto poste Edi Palokën dhe Edmond Spahon. Krahas drejtuesve te rinj të hënën do të kalojnë në votën e Këshillit Kombëtar edhe drejtuesi i ri i këtij forumi, i cili nuk do te jete me Bujar Nishani një ndër kritikët më të ashpër të Lulzim Bashës, ashtu edhe edhe sekretariatet dhe drejtuesit e ri te departamenteve./tch