Djemtë dhe vajzat në Afganistan tashmë do të shkollohen të ndarë nga njëri-tjetri.
Sipas Ministrisë së Arsimit vendase, të dy gjinitë nuk mund të vazhdojnë bashkë universitetin, por do të bëhet ndarje klasash duke respektuar kështu ligjin islamik të vendit.
Gazetari Bashir Ahmad Gwakh shton se mësuesit meshkuj nuk do të japin mësim në klasat me vajza.
Sipas tij, kjo ndarje do të jetë e pamundur pasi sistemi arsimor në vend ka mangësi, madje mungojnë dhe stafet pedagogjike.
Që prej pushtimit nga talebanët, në Afganistan është ngritur shqetësimi për të drejtat e grave për studime dhe arsimim, duke u nisur nga ligjet e mëparshme të talebanëve.
