Një ngjarje e rëndë ka ndodhur në Itali ku një 48-vjeçar shqiptar ka masakruar me thikë pa asnjë arsye një 62-vjeçar nga Rumania.
Ngjarja ka ndodhur në Ladispoli, kur shqiptari nxori thikën dhe sulmoi personin tjetër, duke i shkaktuar 7 plagë në trup.
E gjithë skena është parë nga shumë persona, të cilët ishin të pranishëm në rrugë ndërsa policia ka bërë të mundur arrestimin e 48-vjeçarit.
Nga hetimet rezultoi se autori jo vetëm që ishte person me precedent penal, por kohët e fundit ai ishte larguar nga burgu. Ndërkohë, rezulton që të ketë pasur edhe probleme të shëndetit mendor.
Megjithatë autoritetet janë duke hetuar për të zbuluar shkaqet e sulmit, që çoi në plagosjen e një shtetasi rumun.
