Kontrolli i Lartë i Shtetit kërkon shkarkimin nga detyra të Drejtorit të Përgjithshëm të Burgjeve, Agim Ismaili dhe të 3 zyrtarëve të tjerë.
Kjo kërkesa ka të bëjë me shkeljet e gjetura nga KLSH gjatë një auditimi bërë në burgjet shqiptare, konkretisht në tenderin e ushqimeve dhe ilaçeve te skaduara, me vlera 2.349.413 dhe 1.863.910 lekë.
“I rekomandojmë Ministrit të Drejtësisë si institucion epror, referuar shkeljeve të konstatuara në fushën e prokurorimeve publike dhe menaxhimit financiar si dhe përgjegjësive individuale të evidentuara dhe pasqyruar në aktkonstatimet përkatëse dhe pjesës së raportit Përfundimtar të Auditimit, të vlerësojë shkeljet e konstatuara dhe të vendosë marrjen e masave disiplinore “vërejtje deri në largim nga shërbimi civil (Për punonjësit që janë pjesë e shërbimit civil) ose largim nga puna (Për punonjësit që janë punësuar sipas Kodit të Punës), si më poshtë vijon:
z.Agim Ismali, Drejtor i Përgjithshëm i Burgjeve në cilësinë e titullarit të AK-së.
zj.Avidiana Pali, Drejtor i Financës në cilësinë e Nëpunësit zbatues.
3.z.Ardit Tabaku Drejtor Juridik në cilësinë e anëtarit të KVO.
4.z.Arjan Koçiaj në cilësinë e anëtarit të KVO“, thuhet në dokument nder te tjera.
