Biden: Departamenti i Sigurisë Kombëtare të drejtojë zhvendosjen e afganëve në SHBA

Presidenti amerikan Joe Biden vendosi që Departamenti i Sigurisë Kombëtare (DHS) të marrë drejtimin në zhvendosjen e afganëve që ikin nga vendi i tyre dhe vijnë në SHBA.

“Tashmë, DHS ka punuar ngushtë me agjencitë në të gjithë qeverinë, duke përfshirë ushtrinë tonë, diplomatët, komunitetin e inteligjencës dhe profesionistët e zbatimit të ligjit, dhe shumë të tjerë për të siguruar që të gjithë afganët të kontrollohen dhe verifikohen para se të lejohen në Shtetet e Bashkuara,” thuhet në njoftimin nga Shtëpia e Bardhë.