Modelja e njohur dhe njëkohësisht influencuesja e rrjeteve sociale, Marina Lebedeva humbi jetën në spital gjatë një operacioni plastik.
Vajza 31 vjeçare kishte kërkuar që të bënte procedurën e rinoplastikës, e cila vlen rreth 5000 dollarë.
Procedura u krye në një klinikë ruse, me qëllim për të korrektuar formën e hundës së saj.
Por temperatura e së resë u rrit si rezultat i reagimit të ashpër ndaj anestezisë.
Klinika Artibeaut, në Shën Petersburg, njoftoi menjëherë ambulancën kur kuptuan problemet, por pacientja nuk arriti të mbijetonte.
Video e regjistruar e procedurës, po përdoret si provë nga autoritetet, për hetime ndaj neglizhencën mjekësore. Bashkëshorti i modeles u kthye me urgjencë në spital kur mësoi për ngjarjen e rëndë, dhe tashmë po kujdeset për djalin e tyre të vogël.
Drejtori i klinikës, Alexandër Efremov, tha se pacientja kishte kaluar shumë teste para procedurës, e cila ishte kryer nga mjekë me kualifikime të larta. Ai shtoi se vdekja e saj mund të ketë ardhur nga gjendje të caktuara gjenetike.
“Një hetim mjeko-ligjor është duke u kryer, por ne kemi kryer operacionin sipas të gjitha standardeve të kërkuara. Nëse ka ndodhur ndonjë shkelje do të ishte rasti i parë”, tha ai.
