Sot në mëngjes mbërriti grupi i parë i afganëve në Shqipëri.
Gjithsej janë 121 fëmijë, gra dhe burra të cilët u larguan nga regjimi që është vendosur në Afganistan tashmë, pas marrjes së Kabulit nga talebanët.
Mësohet se ata janë strehuar përkohësisht në resortet luksoze në zonën e Golemit.
Siç shihet nga pamjet, fëmijët luajnë mes pishave dhe në kopshtin që ndodhet brenda rrethimit të “Prestige Resort”. Mes burrave e grave që mbërritën në Rinas, ka dhe dhjetëra fëmijë dhe 11 foshnja.
Vendi ku të evakuuarit nga Kabuli, ruhet nga forca të shumta policie, të Policisë së Shtetit dhe me roje sigurie private.
