Gjykata e Tiranës ka transferuar në SPAK, dosjen ndaj inspektorit Levzat Veselaj.
Ky i fundit dyshohet se merrte shuma të konsiderueshme parash, për të lejuar ndërtime të paligjshme në Kombinat.
Dy ditë më parë Drejtoria Rajonale e Shërbimit për Çështjet e Brendshme në Tiranë arrestimin e inspektorit 47 vjeçar.
Ai akuzohet për korrupsion dhe marrje rryshfeti.
Ky reagim i SHÇBA-së ka ardhur pas denoncimit të bërë nga një shtetas me inicialet E.B., kundër inspektorit në fjalë me detyrë Nd/Specialist i Policisë Kriminale pranë Komisariatit të Policisë Nr. 6 në Tiranë për marrjen e një rryshfeti prej 2 mijë euro.
