Keni bërë plane për plazh?/ Ja si pritet të ndryshojë moti në fundjavë

Meteorologia Adiola Bani, ka bërë me dije se si do të jetë moti dy ditët e fundi të javës.

Mësohet se dita e shtunë do të jetë me kthjellime që herë pas here do të zëvendësohen nga vranësira kalimtare por nuk priten reshje shiu.

E diela do të sjellë shtim vranësirash dhe shi të izoluar në zonat veriore dhe më pas në zonat qendrore.

Ndërsa zonat jugore do të vijojnë të mbet me kthjellime dhe me vranësira kalimtare edhe përgjatë ditës së diel.

Për sa i përket temperaturave të ajrit, vlerat minimale kanë pësuar rënie dhe termometrit ka shënuar 10-11 gradë celcius.

E diela do të sjellë sërish një rënie të lehtë të vlerave të termometrit për shkak të prezencës së vranësirave. Deri në 29 gradë celcius.