LIGJET E BIZNESIT
Për të fituar shtetësinë shqiptare mjafton vetëm një tarifë 10 mijë lekëshe, ndërkohë që për ta lënë atë, kostoja është 30 euro.
Në debatin që ka shkaktuar Ligji i ri për të Huajt midis Kryeministrisë dhe Zyrës së Presidentit, Këshilli i Ministrave ka miratuar tarifat të cilat do të paguhen për lënien apo fitimin e shtetësisë shqiptare.
Npëmjet një vendimi që mban datën 1 korrik, Qeveria ka përcaktuar edhe tarifat e shërbimit të cilat do të aplikohen për personat që aplikojnë për fitimin, rifitimin dhe heqjen dorë nga shtetësia shqiptare me vendbanim në Shqipëri, ashtu si dhe ata me vendbanim jashtë territorit të vendit tonë.
Tarifa për veprime apo edhe shërbime që kryhen nga zyrat e aplikimit pranë Policisë së Shtetit do jenë si më poshtë:
Për aplikimin për fitimin e shtetësisë shqiptare: 10000 lekë;
2. Për aplikimin për lënien e shtetësisë shqiptare: 10000 lekë;
3. Për aplikim për rifitimin e shtetësisë shqiptare:10000 lekë.
Tarifat për veprime e shërbime që kryhen nga zyrat përkatëse pranë përfaqësive diplomatike do jenë si më poshtë:
Për aplikimin për lënien e shtetësisë shqiptare: 30 euro;
2. Për aplikim për rifitimin e shtetësisë shqiptare:30 euro;
3. Nxjerrje dokumenti nga regjistri elektronik: 30 euro.
Tarifat për të fituar apo për të hequr dorë nga shtetësia shqiptare vijnë në një moment kur Presidenca ka rikthyer për shqyrtim në Kuvend Ligjin e ri për të huajt.
Zyra e kreut të shtetit thotë se ligji ka qëllim krijimin e lehtësive për të mbushur me punëtorë të huaj boshllëqet e krijuara si pasojë e largimit masiv të shqiptarëve.
