Rasti i abuzimit seksual ndaj 20 vjeçares në Fier, e cila më pas rezultoi shtatzënë ka tronditur opinionin publik.
Personi që dyshohet se ka kryer aktin e rëndë pa dëshirën e së resë është Petrit Arapi.
Ndërkohë sot 56 vjeçari u vu në pranga, mirëpo gruaja dhe vajza e të arrestuarit pretendojnë se nuk janë në dijeni për këtë gjë.
Gruaja madje thotë se policia i ka thënë që e kanë marrë për shkak të parcelës me drogë që kanë zbuluar, që sipas saj nuk ka të bëjë me burrin e saj.
Madje, teksa pyetej nga gazetarja e Fax Neës, gruaja e Petrit Arapit reagoi mjaft e habitur kur gazetarja i tregoi akuzën për të cilën policia ka arrestuar burrin e saj.
“Atë e kanë marrë kot. Nuk dimë gjë për 20 vjeçaren. Kjo është shtëpia e jonë. Ne jemi vetëm këtu, s’kemi njeri. Unë tashi s’di gjë. Ma mori burrin dje policia, kanë mbjellë drogë aty lart. Ma morën e futën brenda. Kaq di unë. Unë nuk e di për çfarë është akuzuar. Unë thashe kanë ardhur i kanë hedhur drogën dhe ja kanë ngecur burrit tim. Policia kshu na tha. Nuk e di pse ma kanë marrë burrin, e mbjellin të tjerët drogën dhe marrin këtë. Moj ça thua ti moj eee. Për atë punë moj? A je në terezi ti a jo? Ça po thonë kështu këta moj. O ça po thotë kjo kshure. Nuk di gjë unë xhanëm për këto punë. Policia ka ardhur 3-4 herë dhe ka thënë drogë, drogë drogë. Ça po më thua kshu me”, tha gruaja.
Nga ana tjetër, e bija u tregua më e rezervuar se e ëma dhe nuk pranoi të fliste për kamerat.
“Hajde mama. Nuk ju jap asgjë të dhëna. Nuk e dimë ku e ka shtëpinë. Hajde mama. Nuk jap të dhëna. Mama hajde brenda”, u shprehej ajo.
