“O popull i mjerë” Milaim Zeka i kundërvihet shqiptarëve: Problem nuk është Bregoviçi

Sipas gazetarit të njohur Milaim Zeka problem në Shqipëri janë mbeturinat në të gjithë vijën bregdetare, dhe jo nëse do të bëhet apo koncerti ku do të jetë dhe këngëtari serb, Goran Bregoviç.

Duke iu referuar shqiptarëve si popull i mjerë, Zeka shton se përsa i përket muzikës, kushdo zgjedh çfarë dëshiron të dëgjojë, ndërsa helmin e plehrave e fudim në organizëm edhe kur nuk duam.

“Degjo o popull i mjer: Per mu ma problem jane pleherat neper gjithe bregdetin e Shqiperise, se sa Bregoviçi. Muziken e atij shovenisti e degjon ai qe don, kete helm te pleherave e fusim ne organizem padashje. Ja shikoni…,”- shkruan Zeka.

Një nga një, artistët shqiptarë kanë deklaruar publikisht se nuk do të ishin në Korçë për festën e përvitshme, pikërisht për shkak të pranisë së Bregoviç.

Bregovic, i lindur nga babai kroat e nëna serbe, ishte frymëzues e idhull i ushtrisë vrastare serbe gjatë luftës në Kosovë më këngën “Pucaj”. Mohoi tërë jetën kombin e vet kroat. I këndonte kallashit serb që vriste popullatën kroate e shqiptare. Gjithashtu dhe bashkëpunimi që ai ka patur me regjisorin serb, Ermir Kusturica i cili njihet për nacionalizmin e tij dhe deklarata provokuese kundër Kosovës dhe shqiptarëve.