Tensionohet situata në aeroport/ Qytetarit nuk i mbajnë nervat dhe godet punonjësin në krye të detyrës

Mbrëmjen e djeshme është krijuar një situatë e tensionuar në Aeroportin Ndërkombëtar të Prishtinës “Adem Jashari”.

Mësohet se bëhet fjalë për një qytetar i cili ka sulmuar një punonjës të këtij institucioni teksa ishte në krye të detyrës.

Lajmin e ka dhënë zëdhënësja e ANP Valentina Gara, e cila e ka dënuar aktin, duke bërë të ditur se do të ndiqen të gjitha rrugët ligjore për këtë rast dhe jo vetëm.

“Puna dhe përkushtimi i po këtyre punonjëse është ajo që rendit aeroportin tonë ndër aeroportet më të mira të rajonit. Kompania jonë do të ndjek të gjitha rrugët ligjore ndaj këtij sulmi dhe ndaj çdo rasti tjetër kundër punonjësve tanë, të cilët janë aseti më i vlefshëm i kompanisë sonë”, ka thënë Gara.

Pas anulimit të disa fluturimeve, mbrëmë u krijua një kaos i madh në këtë aeroport.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern