“Po derdhin lot krokodili” Babai i Lionel Messit lëshon akuzat e forta për ekipin e Barcelonës

Pas lajmit për largimin nga Barcelona të Lionel Messit, gazetari spanjoll David Bernabeu u nis menjëherë për te shtëpia e yllit të futbollit.

Aty ai zbuloi se Jorge Messi, babai i sulmuesit argjentinas ka hedhur akuza të forta ndaj drejtuesve të klubit.

Bernabeu ka thënë se “është mirë për Barçën që ne të mos vazhdojmë” dhe se ata po derdhin “lot krokodili”. Sipas gazetarit të Deportes Cuarto, babai i Messit nuk ishte i befasuar me lajmin që djali i tij nuk ka vazhduar me klubin.

Messi ka qenë pjesë e Barcelonës për 21 vite. “Pleshti” i qëndroi besnik klubit që e rriti si futbollist në momentet më të vështira, por deklarata zyrtare e Barçës mbrëmjen e djeshme nuk i ka pëlqyer aspak Messit dhe njerëzve pranë tij.