Zjarret në Shqipëri/ Si paraqitet situata? Ministria e Mbrojtjes publikon të dhënat më të fundit

Në një raport të fundit mbi situatën e zjarreve në Shqipëri, Ministria e Mbrojtjes ka bërë të ditur se në pjesën më të madhe vatrat janë izoluar, duke shmangur kështu rreziqet veçanërisht në zonat afër banesave.

Refeeruar raportit, puna në Karaburun po vijon për shuarjen totale të flakëve edhe pse pjesa më e madhe tashmë është mbyllur.

Për momentin nuk paraqitet asnjë rrezik.

Në Gjirokastër situata është stabilizuar. Mbetet aktive një vatër në fshatin Saraqinisht, e cila nuk paraqet rrezik.

Edhe zjarri në fshatin Gadurovë, në Mallakastër është nën kontroll dhe pa rrezikshmëri.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Zjarri në fshatin Cukal, në Shkodër vijon të jetë aktiv, por pa rreziqe të evidentuara.

Në malin e Shëngjinit, në Lezhë vatra është izoluar.

Zjarri në fshatin Kalis, në Kukës po mbahet nën kontroll, ndërsa është eliminuar rreziku për banesat.

Ndërkaq problematike situata e zjarrit vijon të jetë në Majën e Rrunës, në Kukës. Flakët kanë përfshirë pjesën më të madhe të malit, por situata po mbahet nën kontroll për të mos rrezikuar banesa.