LIGJET E BIZNESIT
Përgjegjësja e programit të vaksinimit pranë ISHP, Erida Nelaj ka folur mbi mundësine e një doze të tretë, por edhe interesimin e të rinjve për këtë proces në muajin e hapur.
Sipas saj në Shqipëri është herët për të folur për një dozë të tretë vaksine, sa kohë që ka qytetarë që ende nuk kanë marrë dy dozat e para, ndërsa apeloi të gjithë qytetarët që tiu drejtohen tendave të vaksinimit.
“E rëndësishme është që të vaksinohemi me çfarëdolloj vaksine që ofrohet, ka shumë persona që e shohin vaksinimin vetëm si një mundësi për të lëvizur lirisht jashtë shtetit. Ajo çfarë duhet të bëjmë është vaksinimi, vaksinimi, vaksinimi”, tha Nelaj.
Doza e tretë në Shqipëri
Nelaj: Kjo është në varësi të kohës së vaksinimit se kur ka nisur në secilin shtet, do të duhet që tiu japim mundësinë personave që të marrin dozën e parë dhe të dytë. Duhet të vaksinojmë njëherë të gjithë me dozën e parë dhe me dozën e dytë, dhe më pas do të shohim mundësinë e dozës së tretë.
Doza e tretë nuk ka lidhje me llojin e vaksinës, si psh në raston e vaksinës Johnson me një dozë, CDC po kërkon një dozë të dytë qoftë me Pfizer dhe qoftë me Moderna.
Thirrja për vaksinimin e studentëve
Nelaj: Janë 12 mijë doza për personat nga 18-30vjeç, nga të cilët vetëm 4 mijë i kanë marrë të dyja dozat, të gjithë duhet të vijnë dhe të marrin dozën e parë, që të kenë mundësi të msrrin dhe dozën e dytë deri në fillimin e mësimit në auditore. Pavarësisht vaksinimit askush nuk është i praprekshëm, dhe prandaj është e nevojshme që të vaksinohen të gjithë.
