LIGJET E BIZNESIT
Ish-kryeministri Sali Berisha u pyet në konferencën e sotme nëse i druhet një tradhtie nga lidershipi aktual i PD për ta nxjerrë jashtë grupit parlamentar në shtator.
Në përgjigjen e tij, Berisha tha se përgjigjen për përjashtimin e tij nga Kuvendi, ambasadorja amerikane Yuri Kim e ka marrë në takimin me kryetarin e PD Lulzim Basha.
Berisha e përgëzoi dhe e falënderoi Bashën që ka kërkuar transparencë për fakte dhe dokumente që mund të ketë DASH kundra ish-kryeministrit.
Ai tha se do i sugjeronte Bashës që të insistonte vetëm në zbatimin e ligjit.
“Kryetari i PD i është përgjigjur kërkesës së zonjës Yuri Kim me kërkesën e tij paraqisni fakte e dokumente e prova. Kjo është përgjigja që ka marrë zonja Kim nga kryetari i PD dhe unë për këtë e falenderoj e përgëzoj se kjo është e vetmjsa kërkesë që unë kam, unë s’kam kërkesë për ndryshimin e vendimit, por për rrëzimin e shpifjeve”.
Pyetje: A mendoni se ambasadorja amerikane është duke ndërhyrë në punët e brendshme të vendit me deklaratat e bëra ditët e fundit?
Berisha: Ambasadorja Yuri Kim sillet si një guvernatore qoftë në marrëveshjet që nxit dhe ndërmjetëson që shkelin Kushtetutën dhe ligjet e vendit.
Zonja Kim preferon të këndojë suskesin e reformës të sponsorizuar nga Sorosi, por Sali Berisha thotë se reforma ka dështuar.
Lulzim Bashës do i sugjerojë gjithnjë e do insistoj të zbatojë ligjin dhe vetëm ligjin, ligjii i dekriminalizimit është një nga meritat kryesore të zotit Basha dhe opozitës që e shtoi atë ligj, unë dhe një herë, kam qenë mbështetës i fuqishëm e jam mbështetës i ligjit të vetingut të politikanëve, është Edi Rama që ka kundërshtuar e hedhur poshtë, ligjin për vetingun e politikanëve.
