Zjarret në Greqi, mjeku: Njerëzit të rrinë brenda, grimcat e tymit mund të shkaktojnë edhe kancer

Mjeku pneumolog grek , Panagiotis Bechrakis, thotë se mikro-grimcat e tymit të zjarreve masive, mund të shkaktojnë edhe kancer nëse thithen për një kohë të gjatë.

“Këto mikrogrimca të prodhuara nga zjarret në pyje janë shumë toksike dhe njerëzit duhet të mbrohen sa më shumë të jetë e mundur. Këto grimca kanë një diametër shumë të vogël dhe për pasojë mund të arrijnë shumë thellë në rrugët e frymëmarrjes, ku stimulojnë një mekanizëm inflamator, i cili prek të gjitha organet, duke filluar nga ato të frymëmarrjes, por edhe të qarkullimit të gjakut. Mund të bëhen shkak i problemeve koronare, aritmisë, hipertensionit dhe është vërtetuar se janë edhe kancerogjene”, ka thënë ai.

Ai rekomandoi që njerëzit të qëndrojnë në shtëpi, në zonat ku nuk ka rrezik nga zjarret si dhe të tregohet kujdes i shtuar ndaj fëmijëve.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern