Bllokohen planet e presidentit amerikan, Donald Trump, për të përdorur fondet e departamentit të mbrojtjes për ndërtimin e murit në kufirin jugor. Vendimi është marrë nga një gjykatë në Kaliforni.
Gjykatësi Haywood Gilliam tha se fondet e departamentit të mbrojtjes nuk mund të disbursohen pa aprovimin e Kongresit
Vendimi do të pezullojë ndërtimin e murit në kufirin me Meksikën. Megjithatë kjo mund të jetë e përkohshme, pasi administrata Trump mund të përdorë fonde nga burime të tjera.
Ndërtimi i murit nisi pasi presidenti amerikan shpalli gjendjen e jashtëzakonshme në kufirin jugor.
