Zjarret më shkatërruese në histori/ Pamje apokaliptike nga Qipro, autoritetet raportojnë për 4 viktima

4 persona kanë humbur jetën pas zjarreve masive që përfshinë Qipron këtë fundjavë, të cilësuara si më shkatërruesit në historinë e vendit.

Flakët, të ndihmuara dhe nga era e fortë janë përhapur me shpejtësi në distriktin jugor të Limassolit duke detyruar evakuimin e qindra banorëve.

Grupet e kërkim-shpëtimit gjetën trupat e pajetë të katër personave pranë fshatit Odou, në lindje të malit Troodos, ku flakët kanë shkrumbuar më shumë se 50 kilometra katror pyll.

Prej disa ditësh, ishulli i frekuentuar nga turistët është përballur me një valë të nxehti, me temperature që arrijnë deri në 40 gradë Celsius.