Ngrijnë për së gjalli në mbi 4 mijë metra lartësi 2 gra, shpëton mrekullisht burri që i shoqëronte

Një ngjarje tragjike ka ndodhur në Alpe, ku janë gjetur të ngrira 2 gra, ndërsa një burrë që ishte me to është dërguar me urgjencë në spital, jashtë rrezikut për jetën.

“Për pesë minuta moti ndryshoi dhe stuhia na bllokoi në lartësi të madhe. Më kujtohet i ftohti, aq i ftohtë, i hoqa dorezat për t’ia dhënë njërës prej dy vajzave. Bëra gjithçka që ishte e mundur për të ndihmuar ekipet e shpëtimit,”-ka treguar i mbijetuari.

Dy viktimat janë identifikuar si 29-vjeçarja Martina Sviluppo dhe 28-vjeçarja Paola Viscardi, të cilat shoqëroheshin nga Valerio Zonna.

Treshja janë gjetur në malet Monte Rosa, që janë në një lartësi 4.640 metra mbi nivelin e detit.