Çifti kurorëzon dashurinë në ajër për t’i shpëtuar masave të virusit, e lënë në baltë pamjet me 160 dasmorë (VIDEO)

Një martesë në kushte tepër të pazakonta është shënuar në Indi. Një çift vendosën që të kurorëzojnë dashurinë e tyre gjatë një udhëtimi me avion. Të ftuar ishin 160 persona.

Pamjet u publikuan menjëherë në rrjete sociale, në të cilat shfaqet çifti dhe të ftuarit e dasmës.

Në Indi, si pasojë e Covid-19, masat e kufizimit nuk lejojnë grumbullime me më shumë se 50 persona.

Një zyrtar i Drejtorisë së Përgjithshme të Aviacionit Civil (DGCA) tha për “Times of India” se stafi i bordit të fluturimit, ishin pushuar menjëherë nga puna.

Një zëdhënës i kompanisë së njohur “SpiceJet” u shpreh për “Indian Express” se avioni  Boeing 737 u rezervua nga Madurai në Bangalore, nga një agjenci udhëtimesh për një udhëtim pas martese.

Zëdhënësi u shpreh se klienti “u informua qartazi për udhëzimet e Covid-19 dhe i ishte refuzuar leja për çdo aktivitet që do të kryhej në bord”.