Skualifikohen 5 kandidatë nga gara në PD, reagon Harxhi: Akt i rëndë e besëprerje. Përjashtimi i Elezit i pajustifikueshëm

Pas skualifikimit të 5 kandidatëve nga kryesia, Edith Harxhi, një ndër kandidatët e kualifikuara në garën për kryetarin e Partisë Demokratike, ka reaguar ashpër.

Përmes një postimi në rrjetin e saj social Facebook, Harxhi e konsideron këtë një akt të rëndë për partinë e djathtë, për të cilën sipas saj kryetari aktual aktual ka premtuar disa herë sistem përballje.

Ajo ka veçuar, shkualifikimin e i Ibsen Elezit të cilin e konsideroi të pajustifikueshëm dhe të rëndë.

Reagimi

Përjashtimi nga gara i kandidatëve për Kryetar Partie është akt i rëndë për një Parti të djathtë për të cilën Kryetari i saj aktual ka premtuar disa herë sistem përballje (primaresh), por edhe në këtë rast si në raste të tjera ishte besëprerë. Në veçanti përjashtimi nga gara i Ibsen Elezit njërit prej kandidatëve të Grupit për PD-në, si një nga zërat opozitarë më të paepur në Shqipëri, ish Kryetar i Partisë Demokratike të Kuksit dhe ish-Kryetar i Qarkut të Kuksit, ish-anëtar i Këshillit Kombëtar, është i pajustifikueshëm dhe i rëndë. Z. Elezi prej disa vitesh kërkon reformimin e thellë të Partisë nga marrja peng e saj nga një njeri i vetëm. Ne do ta vazhdojmë së bashku si grup këtë betejë për reformim pavarësisht pengesave të qëllimshme nga Kryetari aktual.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern