LIGJET E BIZNESIT
Një ngjarje e rëndë ka ndodhur në Itali ku një djalë 11-vjeçar ka qëlluar veten me armën e shërbimit të të atit që punonte si karabinier.
Si pasojë e plumbit që mori në pjesën e kokës, i mituri ndërroi jetë, teksa nga hetimet e para dyshohet që ngjarja të ketë qenë aksidentale.
Mediat italiane shkruajnë se fëmija ndodhej i vetëm në dhomë. Ngjarja u shënua mesditën e djeshme.
Menjëherë u njoftua shërbimi i urgjencës, mirëpo i mituri nuk arriti të mbijetojë.
Karabinierët e sektorit të hetimeve shkencore të Firences mbërritën në banesën ku ndodhej i mituri, ku ngushëlluan babanë e djalit, teksa mësohet se edhe nëna e këtij të fundit punonte si efektive e policisë bashkiake.
Miqtë dhe mësuesit e 11-vjeçarit, janë tejet të tronditur nga ngjarja e rëndë.
