Policia e Shtetit ka marrë në mbrojtje ambasadorin Bernd Brochardt dhe familjen e tij.
Ky vendim i uniformave blu vjen pas parullës dhe thirrjeve “Brochardt Shame on you”, të drejtuara ndaj ambasadorit të OSBE-së nga një grup të rinjsh gjatë protestës së 5-të të opozitës.
Bëhet me dije se efektivët e policisë janë vendosur poshtë pallatit të ambasadorit duke qëndruar aty për 24 orë. Por nuk janë vetëm policët, pasi ky pallat mbikëqyret dhe nga kamerat e sigurisë si dhe nga roje të një shoqërie të sigurisë private.
Lidhur me ngjarjen janë shoqëruar në polici dy vajza, të cilat janë marrë në pyetje dhe më pas janë lënë të lira.
