E rëndë/ Gjendet i pajetë një person në Elbasan, dalin dyshimet e para

Mëngjesin e sotëm është gjetur një trup i pajetë në Elbasan.

Mësohet se personi është rreth 50 vjeç, identiteti i të cilit nuk dihet ende.

Viktima dyshohet se është vrarë me sende të forta pasi ka plagë të shumta në kokë.

Ai mund të jetë vrarë në një vend tjetër dhe më pas është hedhur aty, pasi nuk ka as këpucë veshur.

Ngjarja e rëndë ka ndodhur në lagjen “Virasion Xhuvani”.

Ende nuk dihen rrethanat, ndërkohë që policia ka mbërritur në vendin e ngjarjes.