Ministria e Jashtme jep njoftimin/ Çfarë do të ndodhë nga sot deri në 31 maj, 400 persona në ditë 

Ministria për Evropën dhe Punët e Jashtme bën me dije se duke filluar nga sot deri në datën 31.05.2021, nga ora 08:00-16:00, do të lejohet hyrja e shtetasve shqiptarë drejt Greqisë në Pikën e Kalimit Kufitar të Kapshticës, të cilët mbajnë statusin e punëtorit sezonal.

Po ashtu, Ministria për Evropën dhe Punët e Jashtme deklaron se këta shtetas më parë, do t’i nënshtrohen një testi të shpejtë të koronavirusit dhe më pas nëse rezultojnë negativë do të mund të lejohet hyrja e tyre.

Kuota ditore e pranimit është vetëm 400 persona, të cilët po ashtu duhet të plotësojnë formularin e regjistrimit PLF.

Vetëm pasi të marrin konfirmimin, ata do të mund të lejohen që të hyjnë në tokën greke.

“Asnjë kategori tjetër nuk do të lejohet të hyjë drejt Greqisë (shërbim taxi, mjete të tonazhit të rëndë apo shtetas me leje qendrimi, shtetas grekë apo evropianë të tjerë)”, thuhet në njoftimin e MEPJ.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Ndërkohë, njoftohet se dalja nga Greqia dhe hyrja drejt Shqipërisë do të jetë e lejuar nga ora 06:00 deri në orën 22:00, për të gjithë shtetasit si dhe kategoritë e mjeteve.