Një epidemi tjetër po përhapet me shpejtësi/ Sëmundja e ‘kërpudhave të zeza’ ka ‘pushtuar’ vendin

India ka filluar me deklaratat e saj duke folur për një epidemi të “kërpudhave të zeza”, teksa rastet e infeksionit fatal të shpërthejnë tek pacientët të cilët po shërohen nga koronavirusi.

“The Guardian” shkruan se sëmundja e kërpudhave, e quajtur mukormikozë, ka një normë vdekshmërie prej 50 për qind.

Fillimisht sëmundja prek pacientët në hundë, por më pas mund të përhapet në tru dhe shpesh mund të kurohet vetëm me operacion të madh duke hequr syrin apo pjesën e kafkës dhe nofullës.

Shumicën e rasteve, mund të cilësohet si një sëmundje e rrallë, mirëpo në Indi deri më tani janë raportuar më shumë se 7,200 raste me mukormikozë. 219 persona kanë vdekur.

Rritja e infeksioneve të “kërpudhave të zeza”, sidomos tek pacientët që kishin raste të rënda të koronavirusit, ka qenë e lidhur me një përdorim të tepërt të steroideve në trajtimin e koronavirusit, e cila mund të rrezikojë në mënyrë akute sistemin imunitar nëse merret për një periudhë të zgjatur.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern