Trajneri Edi Reja që në ditën e parë të prezantimit të tij në Shqipëri premtoi se do të ishte ndryshe nga paraardhësi i tij, Kristian Panuçi. Tekniku 73-vjeçar e ka treguar këtë gjë edhe ditën e sotme me vizitën stadiumin “Selman Stërmasi”.
Trajneri i kombëtares ka zbarkuar në stadium për të ndjekur nga afër ndeshjen me Tiranës dhe Kastriotit. Sfida e cilësuar si “finalja e mbijetesës” po ndiqet nga afër nga tekniku italian që mund të pikasë aty ndonjë lojtarë të vlefshëm për të veshur fanellën e kombëtares.
I pranishëm në stadium në këtë ndeshje bashkë me trajnerin Edi Reja është ndihmësi Ervin Bulku, madje edhe Hamdi Salihi, tashmë i tërhequr nga futbolli i luajtur, por që do të jetë pjesë e stafit të federatës.
