LIGJET E BIZNESIT
Dje Komisioni Qëndror i Zgjedhjeve i ka ndaluar kandidimin kreut të Omonias Fredi Belerit si kandidat i pavarur për kryetar bashkie në Himarë.
Arsyeja është shkelja e ligjit të dekriminalizimit, pasi Beleri figuron i dënuar më parë nga Greqia por edhe në Shqipëri.
Beleri është dënuar në vitin 1999 nga Gjykata e Athinës me 18 muaj burg për armëmbajtje pa leje. Nga ky dënim, ai nuk ka kryer burg. Ndërsa në vitin 2006, Gjykata e Vlorës e ka dënuar me 3 vjet burg për thirrje urrejtjeje nacionaliste. Edhe për këtë vendim nuk ka kryer burg.
Në lidhje me refuzimin e KQZ, ka reaguar ashpër dhe Athina Zyrtare. Ministria e Jashtme greke deklaron se me shqetësim po ndjekin vendimin e KQZ-së që nuk pranoi kandidaturën e Kryetarit të Omonias për Himarën.
“Vendimi i Komisionit Qendror të Zgjedhjeve, i cila përbëhet nga anëtarë të partive shqiptare, për të mos pranuar kandidaturën e Kryetarit të Omonias Himarë, z. Fredi Beleri, për postin e Kryetarit të Bashkisë në zgjedhjet e ardhshme lokale shkakton shqetësim të veçantë. Me aq sa janë bërë të ditura deri tani, ky vendim nuk ka bazë ligjore. Po ndjekim zhvillimet dhe jemi të gatshëm të ndihmojmë përfaqësuesit e minoritetit”, shkruan MPJ greke.
