Bëri kuriozë të gjithë njerëzit/ Zbulohet misteri i shtëpisë më të vetmuar në botë

Një nga shtëpitë më të përfolura në internet është dhe ndërtesa e vogël e bardhë, e cila gjendet e vetme në një ishull të largët.

Teoritë konspirative në lidhje me këtë godinë janë të shumta.

Ajo cilësohet si shtëpia më e vetmuar në botë edhe për shumë njerëz duket si një ambient ëndrrash.

Teoritë e konspiracionit për shtëpinë e bardhë lindën pasi fotot u publikuan në Instagram.

Në foto shihet një shtëpi piktoreske në mes të një shpati të gjelbër, e rrethuar nga deti blu në të dy anët.

Po ku ndodhet?

Sipas The Mirror kjo shtëpi është e vendosur në Ellidaey, një ishull i largët në jug të Islandës. Ky ishull i vogël është pjesë e Vestmannaeyjar, një arkipelag me 15 deri në 18 ishuj.

Sot, ishulli është i shkretë, por dikur ishte i banuar nga pesë familje.

Familja e fundit u largua në vitin 1930 dhe ishulli ka qenë i pabanuar që nga ajo kohë.

Për vite, thashetheme dhe teori të ndryshme misterioze kanë mbizotëruar në lidhje me shtëpinë e vogël të bardhë në ishullin e largët.

Një thashethem thotë se është ndërtuar nga një miliarder i çuditshëm që planifikoi ta përdorë atë në rast të një zbulimi të zombies, raporton “The Sun”.

Të tjerë kanë pohuar se shtëpia i përket këngëtarit të famshëm Islandez Bjork ose një vetmitari fetar.

Disa në rrjetet sociale pohuan se shtëpia nuk ekziston fare dhe fotot janë montazhe.

Në fakt, shtëpia në Ellidaey Island i përket Shoqatës së Gjuetisë llidaey.

E ndërtuar në vitet 1950, ajo shërben si një shtëpizë gjuetie dhe sauna për anëtarët e klubit.