Rama zbulon vendimin e parë të qeverisë së re, ja cili është

Në Ditën Botërore të Infermierëve, kryeministri Edi Rama gjatë një takimi me mjekë dhe infermierë ka zbuluar vendimin e parë të qeverisë së re.

Sipas kreut të qeverisë, do ketë një ligj të posaçëm për fëmijët e të rënëve në krye të detyrës në radhët e bluzave të bardha.

Ligji thotë që deri në ditën e daljes së tyre të pavarur në jetë, për ta do të kujdeset në mënyrë të posaçme republika e Shqipërisë.

“Kam marrë angazhim qysh përpara ditës së zgjedhjeve që vendimin e parë të qeverisë së re ne do t’ia kushtojmë atyrë që ne i quajmë me plot gojën fëmijë të republikës. Vajzat dhe djemtë e të gjithë atyre që i kanë shërbyer qytetarëve dhe shtetit. Fëmijet e të rënëve në krye të detyrës mes bluzave të bardha nuk do të jenë vetëm, pasi me këtë ligj të ri që ne do të miratojmë për ta, deri në ditën e daljes së tyre të pavarur në jetë do të kujdeset Republika e Shqipërisë në mënyrë të posaçme,”- u shpreh Kryeministri.

Kryeministri vlerësoi edhe sakrificën e mjekëve, pa të cilët lufta ndaj koronavirusit do ishte pothuajse e pamundur.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

“Nderojmë me përulësi dhe mirënjohje të thellë ata që nuk janë më mes jush dhe njëkohësisht ta shfrytëzojmë këtë mundësi për t’u përcjellë të gjithëve ju shprehjen më të sinqertë të respektit dhe mirënjohjes. Cilido prej jush mund të ishte njëri prej atyre që nuk e përballuan dot deri në fund luftën me armikun e padukshëm. Kjo e bën jashtëzakonisht të çmuar rezistencën tuaj dhe papërkulshmërinë e sicilit prej jush në këtë luftë nervash të jashtëzakonshme, ku ju keni lënë familjet tuaja dhe jeni vetëprivuar nga kontaktet normale, për të ruajtur familjet tuaja, për t’u përkushtuar atyre që pa ju nuk do të mbijetonin. Fjalët në këtë rast nuk mjaftojnë, realisht nga zemra, faleminderit shumë për të gjithë”,- tha kreu i qeverisë.