A do të keni pengesa për ta kaluar verën jashtë Shqipërisë, shpjegon Eugena Tomini

Këtë verë shqiptarët, nuk do të pengohen për të udhëtuar jashtë kufijve të vendit. Në një intervistë dhënë për Tv Klan, zëvendësministrja e Shëndetësisë, Eugena Tomini, konfirmoi se edhe nëse vendet europiane nuk njohin vaksinat kineze dhe ruse, shqiptarët do të udhëtojnë me tampon.

“Përveç aplikimit me pasaportën e vaksinimit është edhe tamponi 48-72 orë. Kështu që popullata shqiptare nga kryerja e njërës apo tjetrës vaksinë nuk do të privohet nëse kemi disa alternativa siç është pasaporta e vaksinimit me vaksinat e BE apo kryerja e një tamponi”.

Edhe ata persona të cilët e kanë kaluar koronavirusin, nuk mund të udhëtojnë vetëm më vërtetim pasi barkodet të cilat njihen në kufi janë të vendosura vetëm tek certifikata e vaksinimit si edhe tek rezultati i tamponit.

“Ka individë të cilët mund ta kenë kaluar sëmundjen por nuk reflektojnë në gjak antikorpe, prandaj edhe nëse individët që kanë kaluar sëmundjen të kryejnë tamponin 48-72 orë”.

Tomini shprehet se testi serologjik nuk mund të tregojë prezencë antikorpesh në qoftë se ka kaluar më shumë se një vit nga kalimi i sëmundjes.

Deri në këto momente, në asnjë vend në Europë nuk ka dalë një vendim final për të lejuar apo jo turistë nga vendet jashtë unionit.