LIGJET E BIZNESIT
Autoritetet nigeriane i kanë sekuestruar 80 shtëpi dhe 153 milionë dollarë ish-ministres së Transportit dhe Naftës Diezani Alison-Madueke. Ajo akuzohet për korrupsion dhe mashtrim.
Abdulrasheed Baëa nga Komisioni për krimin ekonomik dhe financiar u shpreh se prokurorët po hetojnë ende ish-ministren.
Ai konfirmoi faktin se ish-ministres i janë konfiskuar 153 milionë dollarë nga llogaritë e saj bankare si dhe 80 shtëpi.
Para dy vitesh, një gjykatë në Nigeri sekuestroi bizhuteri në vlerën e 40 milionë dollarëve nga Alison-Madueka si dhe një shtëpi që ajo posedonte. Shtëpia kapte vlerën e 37.5 milionë dollarë.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Alison-Madueke ishte në krye të Miistrisë së Resurseve të Naftës që nga viti 2010 e deri në vitin 2015 gjatë mandatit të presidentit nigerian Goodluck Jonathan.
Më herët, ajo ka mbajtur postet e ministres së Transportit dhe Zhvillimit të Minierave.
Presidenti i tanishëm nigerian Muhammadu Buhari filloi një luftë kundër korrupsionit në kohën kur erdhi në pushtet në vitin 2015 ndërsa midis zyrtarëve të akuzuar ishte edhe ish-ministrja Alison-Madueke.
Për momentin, Alison-Madueke qëndron për kurim në Britani të Madhe. 60-vjeçarja pranoi se ka bërë gabime teksa ushtronte poste ministrore, mirëpo mohoi përfshirjen në korrupsion.
