Emocionuese/ Grabitësit dhunuan dhe mbytën 20 vjeçaren, polici bën gjestin prekës me foshnjen e saj (FOTO)

Greqia u trondit dje në orët e para të mëngjesit nga një ngjarje shumë e rëndë.

Disa grabitës hynë në shtëpinë e 20-vjeçares britanike Caroline, të cilën pasi e dhunuan, i morën jetën duke e mbytur.

Në atë moment në banesë ishte bashkëshorti dhe foshnja 11-muajshe e viktimës, të cilët për fat të mirë arritën të shpëtonin.

Ndërkohë një gjest shumë emocionues është publikuar së fundmi në rrjetet sociale.

Në foto shihet një oficer policie duke mbajtur foshnjën 11-muajshe në krah.

“Një foto sa një mijë fjalë është kjo me policin që mban në krahë foshnjën e familjes që jetoi momente makthi me një rezultati tragjik i vrasjes së nënës njëzet vjeçare,” ka shkruar presidenti i Unionit të Oficerëve të Policisë të Atikës Juglindore, George Kalliakmanis.