Ekzekutimi 41-vjeçarit në Elbasan/ Disa vite më parë viktimës iu v ra vëllai në Barcelonë e kushëriri në Belgjikë (DETAJE)

Si pasojë e një atentati me armë zjarri të ndodhur mbrëmjen e sotme në Elbasan ka humbur jetën Everest Çaka, ndërsa e plagosur ka mbetur edhe gruaja e tij, Silvana Çaka. Kjo e fundit ndodhet në spital, pasi ka marrë një plumb në dorë.

Korrespondenti i Panorama raporton se Everest Çaka është djali i tezes së Arjan Spahiut ekzekutuar në nëntor në Molembeek të Belgjikës. Spahiu ka qenë autor i dyshuar i vrasjes së Gëzim Alikajt, disa vite më parë

Kujtojmë se disa vite më parë po në një atentat në Barcelonë ka humbur edhe vëllanë.

Vrasja e Arjan Spahiut

38-vjeçari nga Elbasani u qëllua në zonën e njohur Molenbeek dhe ndërroi jetë në vend, mbrëmjen e 27 nëntorit 2020.

Ai ishte një emër i njohur për drejtësinë. I ndjeri ishte arrestuar 10 vjet më parë, pasi akuzohej për vrasjen e 52-vjeçarit Gëzim Alikaj në Elbasan.

Sipas mediave belge 38-vjeçari qëndronte ilegalisht në këtë vend.

Në vendin e ngjarjes, Prokuroria kërkoi një ekspert të balistikës dhe një mjek ligjor si dhe një kontroll laboratorik nga policia federale dhe një gjyqtar ekzaminues, konfirmon Sarah Durant, zëdhënëse e zyrës së prokurorit publik të Brukselit.