Spartak Ngjela “plas” bombën: Rama ka paguar për përplasjen Basha-Selami, Meta do të shkarkohet

Avokati i njohur Spartak Ngjela ka bërë një deklaratë të fortë këtë të martë, ku u shpreh se kryeministri Rama ka paguar për përplasjen e kryedemokratit Lulzim Basha me Eduard Selamin.

Sipas tij, Rama nuk ka paguar para’, por ka investuar për Bashën, teksa tha se pritet të shihet se si do të shkojnë ngjarjet tek Partia Demokratike.

“Ju jap një informacion të saktë. Në përplasjen midis Bashës dhe Eduart Selamit, Rama ka paguar, jo në kuptimin e parave, në investim të Bashës. Të shikojmë si do shkojnë ngjarjet”,- u shpreh Ngjela.

Për Komisionin Hetimor për shkarkimin e presidentit Meta, avokati u shpreh se pret që Meta të shkarkohet, pasi ka dalë nga pozicioni i tij si president dhe ka hyrë në parlament.

“Ajo shkelja e Kushtetutës do mendim juridik. Ai ka dalë nga pozicioni i tij si President dhe ka hyrë në Parlament. Ai u artikulua politikisht me opozitën, gjë që nuk duhej ta bënte. Këtë nuk e lejon kushtetuta. Thirrjet që bëri jo me hanxhar, jo me mjete prehta, s’ka rëndësi. Pyetja më e madhe është kjo: Rama e ka nga vetja apo ja ka kërkuar Ëashington? Sepse nuk mund të dalë një President i NATO-s dhe të thotë raketë. Të shikojmë se çfarë do të bëjnë. Por unë kam përshtypjen se do ta shkarkojnë”,- tha Ngjela.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern