LIGJET E BIZNESIT
Policia greke ka identifikuar vrasësit e nënës 20-vjeçare dhe ka vendosur shpërblim për këdo që jep informacione rreth tyre.
Mediat vendase raportojnë se vendimi për shpërblimin e atyre të cilët kanë informacione rreth vrasësve të nënës së re në shtëpinë e saj para bashkëshortit dhe fëmijës 11 muajsh, u nënshkrua këtë të martë nga Ministri i Mbrojtjes Civile Michalis Chrysochoidis si dhe Zëvendës Ministri i Financave Theodoros Skylakakis.
Në njoftim thuhet: “Me Vendimin e Përbashkët Ministror të sotëm të Ministrit të Mbrojtjes Civile, Michalis Chrysochoidis dhe Zëvendës Ministrit të Financave, Theodoros Skylakakis, u shpall një shpërblim monetar prej 300,000 € për ata që kanë informacione që mund të çojnë në arrestimin e autorëve të grabitjes dhe vrasjes së 20-vjeçares më 11 maj.”
Si ndodhi ngjarja e rëndë?
Krimi tronditës, u shënua në orët e para të mëngjesit kur disa grabitës të maskuar hynë në një shtëpi në Glyka Nera, Atikë.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Në fillim, autorët vranë qenin e familjes. Më pas, ata thyen dritaren e katit të parë dhe hynë brenda në shtëpi. Ata synonin të vidhnin sendet më me vlerë që kishte shtëpia.
Ata shkuan në dhomën e gjumit, ku ndodhej piloti 32-vjeçar Charalambos Anagnostopoulos. Pasi lidhën 32-vjeçarin, personat e armatosur kanë shkuar në papafingo, vend në të cilin ndodhej 20-vjeçarja dhe vajza e tyre vetëm 11 muajshe.
Grabitësit torturuan 20-vjeçaren, dhe në fund e kanë vrarë duke e mbytur.
