LIGJET E BIZNESIT
Personi që shikoni në foton e mëposhtme është Marius Dema, autori i dyshuar i vrasjes së 27 vjeçarit Mehmet Qema.
Ngjarja ndodhi dje pak para mesnatës në zonën e “5 Majit” në Tiranë.
Të rinjtë ndodheshin të ulur në ambientet e jashtme të një lokali së bashku me disa shokë të tjerë.
Ndërsa 28 vjeçari Marius Dema qëndron në këmbë, me njërën dorë mban pistoletën me të cilën dyshohet se aksidentalisht vrau shokun e tij Mehmet Qema. Ai është shpallur në kërkim nga policia, ndërsa raportohet se ka tentativa për t’u dorëzuar, pasi pretendon se ngjarja ka qenë aksidentale.
Foto është marrë nga kamerat e sigurisë së lokalit, vetëm pak momente para se të ndodhte ngjarja e rëndë. Kanë qenë vetë shokët e Meti Qemës që e kanë dërguar atë në QSUT, por më pas janë detyruar të shkojnë te Trauma. Fatkeqësisht, 27 vjeçari ka ndërruar jetë.
