LIGJET E BIZNESIT
Vrasja e Liljana Bozo (Kryemadhi) ka tronditur mbarë opinionin publik. Bashkëshorti i saj, ish-polici, Koço Bozo e vrau atë teksa kishin dalë nga salla e gjyqit.
Mikesha e Bozos, e fundit e cila foli me të ndjerën ka zbuluar një detaj tepër të dhimbshëm nga ekzekutimi i 54-vjeçares.
E ndjera, ishte larguar prej shumë muajsh nga banesa e bashkëshortit të saj, por pa fëmijët, të cilët vijonin shkollën në qytet. Prej shumë kohësh ajo jetonte me të vëllain në Tiranë, ku edhe pse kishte mbaruar Fakultetin e Mjekësisë, punonte si pastruese në një lokal. Ndonëse larg të shoqit, ajo kishte vendosur që të tërhiqte padinë, pasi kishte frikë nga kërcënimet e ish-burrit të saj.
“Jam në Tiranë tha, tek shtëpia e vëllait, kam filluar punë për pastrim. Kam ikur, kam 6 muaj se jetoj tek vëllai. Më tha: Lili ai më ka rrahur jashtë mase, tentova të ika por më kapi tek dera. Erdhi në shtëpi, nuk më gjeti me dy çunat dhe më rrahu se isha vetëm në shtëpi. Më dërgoi djali, se më pa shenjën tek mjekra,”-rrëfeu për “Shqipëria Live” shoqja e saj e ngushtë.
Një ditë para se të paraqitej në gjyq, Bozo ishte nisur drejt Elbasanit. Çifti Bozo, më 5 maj të para 16 viteve, kishte humbur një djalë si pasojë e një aksidenti me makinë.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
8-vjeçari ishte përplasur për vdekje nga një mjet, dhe Bozo po shkonte në Elbasan për ta kujtuar atë në varreza.
“Jam në furgonin e Pogradecit, se kam dhe ditën që më ka vdekur djali. Nuk do kthehem në shtëpi, por do të fle tek motra,”-i kishte shkuar ajo për herë të fundit shoqes së ngushtë. Por pa e ditur që e nesërmja do të sillte edhe fundin e jetës së saj. Vetëm një ditë pas përvjetorit të të birit…
