“Bashën e kam patur nxënës” Blendi Fevziu tregon se si i ka njohur politikanët: Rama kishte një ‘fiksim’ ndryshe

Gazetari i njohur Blendi Fevziu për shkak të profesionit i ka njohur që në fillim të karrierës liderët kryesorë të politikës në vendin tonë.

Së fundmi ai ka rrëfyer dhe disa nga momentet më të rëndësishme.

Fillimisht Fevziu e ka patur programin politik në RTSH të quajtur “E diela debat” dhe teksa në studio u shfaq fotoja e parë e intervistës me Edi Ramën e cila është zhvilluar në atë televizion, ai kujtoi se kryeministri ndryshe nga gjithë të ftuarit e deri atëhershëm ishte i interesuar për pamjen dhe dekorin e studios, ndryshonte pozicionin e dritave që të reflektonin më mirë mbi të, ndërkohë që tani sipas tij ka ndryshuar dhe ka më tepër autoritet.

Kur gjatë programit u shfaq fotoja me kryedemokratin, Blendi zbuloi një fakt shumë interesant. Ai tha se Lulzim Bashën e ka patur nxënës, në gjimnazin “Sami Frashëri” i dhënë disa orë mësimi kur Blendi bënte stazhin si mësues.

“Njëherë kam dashur ta nxjerr nga klasa, por mësuesja e letërsisë më tha se Basha ishte nga nxënësit shumë të mirë. Gjithmonë kam patur raporte të mira me të” tha ai.

Presidentin Ilir Meta, Blendi Fevziu e ka njohur që kur ka qenë fëmijë pasi kanë qenë bashkëmoshatarë në shkollë. “Ka qenë bashkudhëtari im”, tha ai.