Festë në Tiranë/ Pas 9 vitesh, Dinamo rikthehet të luajë në Kategorinë Superiore

Një lajm i mirë vjen së fundmi për skuadrën e Dinamos.

Ekipi kryeqytetas ia ka dalë të kalojë në Kategorinë Superiore pas 9 vitesh.

Falë fitores 0-2 javën e parafundit në fushën e Vorës, ‘nëndetësja’ blu ka arritur të sigurojë ngjitjen matematikisht.

Tashmë Tirana do të përfaqësohet me 3 ekipe në Superligë, bashkë me Tiranën dhe Partizanin.

Gjithashtu Superligës i është bashkuar dhe Egnatia, ndërkohë që mbetet të shohim cilat janë ato ekipe që do të bien nga Kategoria Superiore.

Sezonin tjetër pritet që edhe tifozët të kthehen në stadium, ndaj stadiumet e kryeqytetit pritet të mbushen plot jo vetëm në derbin Tirana-Partizani, por edhe në derbet që i aknë munguar Superiores, Tirana-Dinamo dhe Dinamo-Partizani.