Me 60 mijë paund e kok ainë në banesë, arrestohen katër shqiptarë në Britani 

Policia e Londrës ka sekuestruar municion, një armë zjarri, 60 mijë paund dhe kokainë, në një apartament në kryeqytetin britanik, brenda së cilës qëndronin dy shqiptarë.

Policia bastisi shtëpinë në Claremont Road, Brent Cross, në veriperëndim të Londrës ku u kapën mbi 100 mbështjellëse të kokainës, peshore si dhe sende të tjera të tregtimit të drogës, së bashku me 60 000 £ të dyshuara se vijnë nga aktivitete kriminale.

21-vjeçari Errison Hasaj, dhe Bledar Kuraj, 23 vjeç, të dy shtetas shqiptarë, u arrestuan dhe u akuzuan për armëmbajtje dhe municion, posedim kokaine si dhe posedim të pasurisë kriminale.

Ndërkohë para dy ditësh më parë, në Londrën Perëndimore u kapën mbi 80 kilogramë kokainë dhe 400 mije paund, pas një operacioni në Colindale.

Shqiptarët Arjel Selfo, 41 vjeç dhe Ardit Saraseli, 29 vjeç, të dy nga Arctic House, u akuzuan ditën e premte se po mbushnin qytetin me kokainë.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Saraseli u paraqit ditën e sotme në Gjykatën e Magjistraturës Uillesden dhe u caktua në paraburgim për t’u paraqitur në Gjykatën e Harrou Croun muajin tjetër.

Selfo pritet të paraqitet në gjykatën e magjistraturës javën në vijim.