LIGJET E BIZNESIT
3 anëtarë të familjes Haliti nga Gjilani kanë vdekur teksa ishin në pushime në zonën e Gjirit të Lalzit. Nëna, djali dhe nusja, dyshohet se kanë vdekur pasi konsumuan kërpudha.
Ndërkohë, familjarët e tij hedhin akuza mbi mjekët të cilët sipas tyre kanë neglizhuar gjendjen e familjarëve të tyre. Ndërsa, po dyshojnë që familjarët e tyre mund të mos kenë humbur jetën si pasojë e konsumimit të kërpudhave.
Express shkruan se djali i viktimave në një konferencë për media ka treguar se ka biseduar me babain e tij në telefon dhe e ka kuptuar në të folur se ai nuk ka qenë në gjendje të mirë shëndetësore.
Ai ka treguar po ashtu se edhe qeni që ka qenë bashkë me familjarët e tij ka ngordhur, megjithëse nuk ka konsumuar kërpudha. Po sipas tij, familjarët e tij edhe më herët kanë mbledhur këpurdha, madje i njihnin mirë ato.
“Familja ka shkuar në shtëpi të vetë. Ajo është shtëpia jonë, babi është me dokumenta edhe shtetas i Shqipërisë. Ata janë infektuar prej disa ushqimeve që i kanë ngrënë. Diçka që është shqetësuese për neve dhe e papërballueshme është neglizhenca e mjekëve. Tre pacientë me shku me të njejtin simptomë dhe me u kthy në shtëpi me barna, nuk është adekuate. Pra pa analiza pa kurfar përkushtimi me e liru pacientin në atë gjendje është diçka jo e duhur për çdo mjek. Ndërsa është e dyshimtë se edhe qeni ka ngordhur, ndërsa ai nuk ka konsumuar këpurdha, ai i ka ngrënë ushqimet e veta ndërsa është e dyshimtë se si ka ndodhur kjo”,– ka treguar djali i viktimave.
Familjarët e tyre kanë thënë se pacienti ka pritur në Tiranë plot 3 orë për të kryer analiza dhe se nuk ka pasur papërgjegjësi në trajtimin e tyre.
