Nuk siguroi dot një vend në parlament, Elton Debreshi kthehet në galeri dhe bën thirrjen e fortë

Minatori Elton Debreshi, i cili kandidoi si i pavarur në zgjedhjet e 25 prillit, tanimë i është kthyer punës në galeri, pasi nuk siguroi dot një ulëse në Kuvend.

Debreshi arriti që të siguronte vetëm 590 vota, por që nuk mjaftuan të siguronte mandatin e deputetit. Nëpërmjet një  postimi në rrjete sociale, ai u bën thirrje minatorëve të tjerë që t’i bashkohen sindikatës që ia drejton për të kërkuar Statusin e minatorit si dhe të drejtat e tyre.

“Pas disa javesh shkeputje per shkak te fushates, sot u ktheva ne galeri mes shokeve te vuajtjeve dhe durimit. Puna dhe veprimtaria politike tashme jane te pandashme jo vetem per mua, por per te gjithe minatoret qe u bashkuan ne Perpjekjen e Perbashket. Te gjithe bashke do ta vazhdojme luften per Statusin e Minatorit dhe te drejtat tona. Ne emer te shokeve, u bej thirrje te gjithe minatoreve te bashkohen ne Sindikaten e Minatoreve te Bashkuar te Bulqizes.

E ardhmja eshte jona!”, shkruan Debreshi në Facebook.