Historia e rrallë/ Rezultoi e zhdukur për 5 muaj, gruaja gjendet poshtë një tende

Një histori e rrallë dhe e pazakontë është ajo që raportohet të ketë ndodhur së fundmi në SHBA.

Bëhet fjalë për një grua nga Utah, e cila u zhduk në nëntor dhe u zbulua më pas e gjallë në një tendë në një vend kampingu.

Ajo kishte jetuar me bar, myshk dhe ujë nga një lumë për më shumë se 5 muaj.

Mediat e huaja raportojnë se gruaja 47-vjeçare, të cilën autoritetet nuk e identifikuan, u raportua për herë të parë e zhdukur pasi punonjësit e Shërbimit Pyjor të SHBA-së duke u përgatitur për mbylljet e kanioneve sezonale gjetën makinën e saj të braktisur në një parkim rreth 80 kilometra në jug-lindje të Salt Lake City më 25 nëntor.

Detektivët dhe zyrtarët e kërkim-shpëtimit kërkuan zonën në javët në vijim, por nuk mundën ta lokalizonin atë.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Dhe sipas Spencer Cannon nga zyra e sherifit të qarkut Utah, autoritetet e gjetën atë të dielën gjatë një kontrolli ajror të zonës, të cilin ata e kryen së bashku me vullnetarët me shpresën për të gjetur prova se ajo ishte akoma gjallë.

Ndërsa po kërkonte një dron që u rrëzua gjatë kontrollit, rreshteri dhe piloti i dronit erdhën mbi një tendë, të cilën gruaja e hapi kur u afruan.

“Ne tani besojmë se ajo me vetëdije zgjodhi të qëndrojë në zonë gjatë muajve që nga nëntori i vitit 2020”, tha zyra e sherifit në një deklaratë. “Ajo kishte me vete një sasi të vogël ushqimi dhe ajo u tha zyrtarëve të SAR se ajo kërkonte që të mbijetonte me bari dhe myshk.

Ajo gjithashtu kishte qasje në një furnizim të bollshëm me ujë në një lumë afër.