Kreshnik Spahiu bën deklaratën e bujshme: Faji është i popullit që dështuan partitë e reja 

Juristi i njohur Kreshnik Spahiu u shpreh në emisionin ‘Open’ se populli shqiptar nuk ka mbështetur aspak kauzat e reja dhe as liderët e rinj, pasi brez pas brezi nuk e ndërrojnë votën e tyre, mirëpo votojnë vetëm për Partinë Demokratike dhe atë socialiste.

“Mendoj që nuk kanë humbur paritë e reja por Shqipëria me këtë rezultat. PD nuk ka humb por kanë humbur shqiptarët duke mos sjellë një frymë të re. Në zgjedhje e 25 prillit si asnjëherë në 20 vitet e fundit këto dy parti janë rritur duke sfumuar dhe duke i dhënë një goditje fatale idesë së futjes së partive të reja në Shqipëri. Kjo nuk ndodh as në Maqedoni, as në Kosovë, as në Mal të Zi. Shqiptarët janë afro 1 milionë që brez pas brezi nuk e ndërrojnë votën vetëm për PS dhe PD çfarëdolloj gjëje të ndodhi. Votën nuk e ndajnë janë shumë fanatikë.

Kush është problemi thelbësor? Shqiptarët nuk mbështesin as kauzat e reja dhe as liderët e rinj. Faji është i popullit sepse në të gjithë botën populli është turmë. Mekanizmi elektoral në Shqipëri ka bërë që nëse nuk je pjesë e një koalicione je asgjësuar”,- tha Spahiu.