LIGJET E BIZNESIT
Dhuna tashmë nuk është më një fenomen i panjohur në futbollin shqiptar.
Rasti më i fundit ka ndodhur sot, ku ndeshja mes Sopotit dhe Mirditës është ndërprerë në mbarim të pjesës së parë.
Sfida po luhej në stadiumin e Cërrikut dhe shkak u bë goditja e arbitrit vlonjat Klajdi Qendraj nga një lojtar i Mirditës.
Më pas mësohet se futbollisti ka shkuar në dhomat e zhveshjes dhe është larguar nga dritarja e banjos.
Ndërkohë policia është vënë menjëherë në kërkim të tij.
Nga ana tjetër lojtarët e Mirditës po merren në pyetje së bashku me stafin në komisariatin e Cërrikut.
Në momentin që ndeshja u anullua Sopoti po kryesonte 2-1.
