LIGJET E BIZNESIT
Pak më parë ministrja e Shëndetësisë Ogerta Manastirliu ka dalë në konferencë ku ka komunikuar vendimin më të fundit të Komitetit Teknik të Ekspertëve.
Përsa i përket situatës nga pandemia në vendin tonë, ajo ka thënë se incidenca vijon të jetë e ulët dhe karantina 14 ditore për Maqedoninë e Veriut dhe Greqinë është hequr.
Po ashtu ajo theksoi se do të lejohët hapja e auditorëve të Universiteteve vetëm për procesin e konsultimeve dhe sezonin e provimeve.
Manastirliu bëri me dije se masat e tjera do të qëndrojnë në fuqi, ku përfshihet dhe ora policore nga 22:00 e darkës e deri në 06:00 të mëngjesit.
“Kemi pasur edhe një numër të të shtruarve në spital. Vijon të kemi incidencë të ulët. 26.6 raste për 100 mijë banorë. Incidencë javore të ulët krahasuar me dy javë më parë. Kemi rënie në 3.8% të të prekurve. Kanë mbërritur më shumë 748 400 doza vaksine. Jemi mbi 537 mijë vaksinime. Krahasuar edhe me vende të ndryshme evropiane Shqipëria mbetet lart. Situata është e kontrolluar. Nisur nga situata Komiteti ka pasur një mbledhje sot. Ka rivlerësuar masat ka bërë një vlerësim të situatës në Maqedoni dhe Greqi. Në dy javë atje ka ulje. Ka hequr masën e karantinës për këto dy vende që ishte 14 ditë. Po ashtu do të lejohet hapja e auditorëve të Universiteteve vetëm për procesin e konsultimeve dhe sezonin e provimeve. Ndërkohë do të mbeten në fuqi masat e tjera dhe kufizimet e orës policore ”-u shpreh Manastirliu.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
